بدع من كلمات الشاعر عبد الخالق صالح عبدالكريم ( أبونوره القعيطي )
مرسل الى الشاعر الكوميدي الكبير
يوسف محمد عمر المحبوش ( المحترم )جواب الشاعر الكبير يوسف محمد عمر المحبوش ( المحترم )
ياساري الليل ساعف من عزم وانـوي
واحمل معك في ثبانك عطـر نجـداوي
واثنين كيلو حلا مـن مصنـع البلـوي
وتسعه ارطال عنبر واعشـره جـاوي
والقات نوعين شي عنسي وشي مضوي
من قات موصوف لا ضامـي ولا راوي
وخط مرقوم محكور النمط ( سـروي )
مبني بنا فحـس متجانـس ومتسـاوي
وخص به يوسف المتمـرس الرعـوي
ذي عاد روحه و قلبـه للسـلا هـاوي
باتعرفـه مـن كلامـه لاحكـي واروي
فلسوف داهيه كـم عالـج وكـم داوي
واكبر أماريـه علـوا مقرنـه مكـوي
وخنجره لـو قلبتـه صنـع نمسـاوي
وطول ماطال لابـس مدرعـه شتـوي
وفوقها مثلمـا اذكـر كـوت منجـاوي
وحسبمـا بعرفـه عـاده فتـى مقـوي
شباب له قلب عاشـق بالهـوى ذاوي
كريم وافي عـرف بالجـود متنحـوي
هو والوفا والكـرم والجـود متخـاوي
كم سي عزايم وكم عشي وكـم قهـوي
تشهد ضيوفه فكـم سـارح وكـم آوي
وانقل له الشكر والتقدير مـن نحـوي
واهده مع الشكر باقـة ورد شرقـاوي
قل له رفع راس ابو مقعط بمـا سـوي
لو شاف ضيفه خرج منه حوي حـاوي
واليوم جاني خبر منكور مـن صنـوي
شي غير معقول والعهده على الـراوي
قالو لـي المحتـرم ماليـوم متخلـوي
تـرك جباحـه وداره للأسـف خـاوي
من بعدما كـان عامـر بالسـلا يـدوي
ماتسمـع الا بـه الصيـاح والـعـاوي
سكنته البوم مـن زاره رجـع يعـوي
ذي كان مثل المزكـه لليـل بيضـاوي
خرابه اصبـح مـلاذ التايـه البـدوي
من بعدما كان مـأوى عـز للضـاوي
حتى المحاسب فؤاد المصري المجـوي
لما سمـع بالخبـر دوخ مـن الـلاوي
و عندمـا فـاق وادرك قـال يالهـوي
يامحتـرم عـود متزعلـش عشمـاوي
واحتج بن جبر وابن التـام والعـروي
وقالو اليـوم ويـش المحتـرم نـاوي
فقلـت ياصحابنـا عـاده خبـر جـوي
مابع تأكد وصل بـه نـود صحـراوي
ان هو صحيح الخبر يبقا الخبر مطـوي
وان هو خبر زور لا يطوي الخبر طاوي
هذا وقل جيـت لـك ماليـوم متعـروي
لا دار من بعد عـزه مهتـري هـاوي
تعرف وانا اعرف محمد يافتى نشـوي
ولاتنحنح لجـب صوتـه يسـي داوي
ياكم تجرع على شانـك صبـر مـروي
وانتـه كويتـه بنـار العمـرده كـاوي
بيشله الشـوق لكـن لا نـوي يئـوي
بترتكـز لـه كأنـك جـان حــذراوي
بالله يامحتـرم لاقـد عـزم واضـوي
تفسح طريقه ولا شـي تتبـع الغـاوي
وبعدمـا خـذت لـي بالقافيـه كفـوي
ختمت بالمصطفـى والفـوج بحـراوي
جواب الشاعر الكبير يوسف محمد عمر المحبوش ( المحترم )
المحترم قال نجمي بالسماء المضـوي
قاهر نجوم السماء نوره متى ضـاوي
من قال بايقترب نحـوه اوي مشـوي
ماحد بلغ لرتفاعـه والمثـل سـاوي
يامرحبا خط بـن صالـح ومايحـوي
للقلب مكسوع مـن قولـه بيتـداوي
من الهدايا الثمينه ذي اقبلـه قـدوي
لابـد ماشقّـره ذي حُمحُـمـه راوي
باني صلاحي جميع اركانهـا مـزوي
ماهل حقيبـه وقـع اهلـي زملكـاوي
فرشت له مجلسـي بالطابـق العلـوي
والقات مقطوف له مـن بعـد نقـاوي
وباشره بالعجل مـن بعدمـا اتقهـوي
فحوى الخبر في كتابه كـان مئسـاوي
حطيب من بيت بن غالب الى الذروي
ظنوه والظـن بعضـه اثـم شـراوي
رجعت بقراه واستفهـم بمـا حكـوي
ماشفت فصليـن تترابـط وتتخـاوي
بالفصل لول انا اشهد كـان متعنـوي
ويتبعه في طريـق اعـوج ومتـلاوي
تـوّر مهـري وليتـه ليتـه اتـروي
من قبل مايختذل من خدعـة الـراوي
اقبل رسوله ونا حارس على زهـوي
من الحُرب ذي اقبله سبعين جشـاوي
تي الصقر في مقعدي والمنظره عشوي
شيـخ المشايـخ بيتعطـر فرنسـاوي
والحمـد لله برُمـز مثلمـا الخـذوي
والبوب طول السنه للضيـف جهـاوي
للضيف عُذره عليـه اللـوم ذي روّي
ذي قال بيتي هُجر والبـرج متهـاوي
ليتك تجي تبصر الدسمـال ذي ملـوي
ع الرأس محظي ذبل هندي مكـلاوي
وبالادب والفصاحه من سمـع لغـوي
بيقـول لـي اعطهـا ميـاد حنـاوي
كتبـت لشعـار بالشعبـي وبالنحـوي
والضبط والربط مابسمـح بفرطـاوي
والعلم والحلـم ليتـك تستمـع فتـوي
بتقول ماذا نديـد الشيـخ قرضـاوي
وخلق بيماثلونـي مثـل بـن جلـوي
وبالشجاعـه مقاتـل مثـل غـزاوي
اسأل تفقه تخبّر بـس عـن غـزوي
كم عوج قاديت حطحطته من اتقـاوي
قُل لي على ايش يبن الناس تتعـروي
ذي قلت مفزوع وامنيته هنـا يـاوي
مسموح له شرط لايُقرب قدا جشـوي
ويرد سبعه مفاتل لـي مـع اقشـاوي
ذي كان لاشافني بقطع تـرم نحـوي
وليلة النـور لاقـد شـم شوشـاوي
لاما العسل كان قد صابه فشل كلـوي
وبفتـجـع لايبـيّـت واقبـلـه لاوي
شيبه بتالي عمـر وظهـره اتجحـوي
لقبل معـه سيـف بـاردّه بسخـاوي
امـا سماحُـه فخلينـي علـى تـوي
لاسـدوا المالكـي يمكـن وعـلاوي
مهما تمدّن قـده ذي بعرفـه قـروي
ون ما احتفد قد معي له سُم كيمـاوي
ذكر النبي يبن صالح لاهنـا واطـوي
صـلاة مايقـراء القـرآن منشـاوي
تحياتي للجميع ……
أخيكم سرو حمير ( أبو نوره القعيطي ) …..